Jachía jü fe kaa óbram jípureme kaa türitiahua

ANTONIA: Ketchë al-leiya?

—ANA: Ket türi.

ANTONIA: Ínapo Antonia ti tehua. Émposu?

—ANA: Ínapo éntok Ana. Jítasë huáatia?

ANTONIA: En táapote emchi éntok bem em beut jojome visitároa Diosta éehuamta bétana nok béchïbo.

—ANA: Ínapo súalhuamta jípure, éntokne eiya súalhuäpo ájäria huä in yaa jípurëhui.

ANTONIA: Jatchíasë júnel eiya?

—ANA: Buëituk jíkaijla Jesusta súalhuame bastároähui yore jínëuhua béchïbo.

ANTONIA: Ori... empo júnel éätek kaa émpola aane. Büuru gente majtíahuala Jesusta kia súalhuäpo bastároähui yore jínëuhua béchïbo. Të jítasu eiya Dios? Itom ä jünéenakë béchïbo atä bítnake jü "Súaleme átchai-téamta" ejemplo... Abrahamta. Akë leéroa GÉNESIS 22: 2, 10, 11. Jáchisu ä bittuak Abraham feta jípurëhui?

—ANA: Ä jehuíteriak Diosta ä üsi sakrifikároa úhuako.

ANTONIA: Jeehui. Ä súlhuame ä tekipánoatuak; tua súalhuame jípurei. Akë leéroa SANTIAGO 2:18—20. Jáchisu bíttuahua jü súalhuame Versículo 18 jiau bénasi?

—ANA: Óbram pámani.

ANTONIA: Jeehui. Versículo 19: Jítasu yeu siika jumë lemóoniommaki?

—ANA: Dióstam súale të májhueka yoyohua,

ANTONIA: Jítasu jiahua súalhuame kaa óbram jípuremta bétana?

—ANA: Súalhuame kaa óbram jípureme kaa türi-ti jiahua.

ANTONIA: Juäri béchïbo tua fe chë türi kia súalhuamta beppa, kaa júnëli?

—ANA: Jeehui.

ANTONIA: Tua fe itom aktuároatua.


—ANA: Jíta óbramsu ínapo yáanake?

ANTONIA: Dios ito bétana súalhuamta óbram úhua. Ímë ájäria: Diosta nooki estudiároähuapo (em ikä en yaa bénasi), predikároahuäpo, majtíahuäpo... Jáchisë ä bitcha?

ANA: Mai türi. En állane jüneiya súalhuame kaa óbram jípureme kaa türitukähui.

ANTONIA: Jeehui... Santiago 2:26 jiáu bénasi. (SANTIAGO 2:26)