jachíakasu Diosta Nokríame yénhuame kaa türitiya?

Jachë empo Diosta Nokríame? Empo kaa yeyena!

Yénhuame mai populártuka. Yenléerom jiahua yénhuamta kaa juënatukähui, kíal senu gusto jibba. En táapo miliónim jéntem bíbam yenna, éntok chikti táapo chëhuasu büru jénte ameu yenléerom joóhua, ame násukum büru ámeu kristiánomtíame.

Jáchisë ä bitcha huakä huéemta? Jachu lútüla yénhuamta Diosta bíchäpo türitukähui? Jáchisu ä bitcha itom Dios?

Árate Diosta bithuamta púnto täya itom aman ä Nokipo leéroätuko. Jü Bíblia jiahua tabako usároahuamta büru rasónimbeyi kaa türitukähui, tëte huóyik rasónim jiba jiáubaare.

Bat huéme: Yénhuame kaa aprésiota bittu Jíabsihuamta Mikamta béchïbo.

Tüsem at súuhua jachin Yáari houymani ama houybúsampo bersíkulom senu taká ama náikipo, senu taká ama mamnípo títou jíamta:

"Jü Dios ániata yáalame éntok sïme aa beppa anemta, téhuekata éntok buíata Átteakamtukä béchïbo kaa aman mámammea yáari tiópompo jouhua, éntok kaa yorémem mámam bétana serbíroahua kaa nesesidata jípureka, buéïtuk áapo sïmem jíabsihuamta éntok jíabitehuamta mimika" tau jiahua.— Yáarim 17:24, 25

Jíttasu yóreu jooría jü yénhuame? Senu Amérikapo joome doktor jiahua: "Yénhuame lau-lauti emo súahuame ájäria" tau jiahua. Aman Estadom Unídompo chikti huásuktiria 300,000 [bais siéntom mílim] tabakö béchïbo kokko, 50,000 [senu taká ama huoy mamni mílim] aman Buéuru Bretanya, éntok huate 50,000 aman Kanadápo.

Aa sau huéeme: Yénhuame Diosta nésauta bejreka hueiye itom ito bénasi yorémem nákëhui. Akem ä bitcha huä Santiakko paman Dios itom nésauhue, aman Santiakko huoypo bersíkulo huoynaikipo:

"Emë tua leyta praktikároätek jïojtekä bénasi, "Em emo bénasi yorémem nakkë"-tíame, tüisi jouhua".—Santiakko 2:8

Estúdiom bittu jaámuchim yenléerom kunálatakame kokköu naiki huásuktiriam chë jübua jaámuchim kaa yenléerom kunékame. Jachu íäri nákhuame? Ëe!

Íkäi kaa nánancha hueiye nésautamak jumë ito bénasi yorémem nákë bétana, Juanta jïojtekä bénasi jum Juanta Jiösiata Bat huéeme náikipo bersíkulo senu takapo:

"Jabe júneta "Dióstane nakke"-ti nokayo, të ä sáilahua omtíäu aranókïchi kíale; buéïtuk ä sáilahua ä bítlamta kaa nákëu kara Diosta kaa bítlamta nakke".—1 Juan 4:20

Yénhuamëbuan yore súhua éntok nákhuamta béjreka huéeme takáhuata éntok ménteta nasonte. Huäri béchïbo tua Krístota sau kateme tabáko bétana kaa türïtiya.