Jachíakasu yore kía súalhuame kaa yuúma?

Huate im ániapo joome jiahua jü jábeta súalëu kaa importároa, jü chë importante yore jítat súalëhui—tim jiahua.

Júkäri "Súalhuamtat súalhuamtä téame". "Empo júnel súale, áapo éntok júnel súale, náhuim tüsi yauhua" —tim jiahua.

Të jatchu lútüla türi yore kía súalëhui?

Ëe, kaa lútüla. Diosta Nokítate bítnake, aman Santiágota jïojteripo, capítulo 2po, versículo 19po (Santiago 2:19).

"Empo at súale huepü Dios jibba anëhui, kaa jüneli? Kia júnentuko junne jumë lemóoniom ket at súsualeka mamajhue".

Huári béchïbote ara bicha tua súalhuame chë buéuru kia súalhuamta beppa.

Tua súalhuame yáarim bepa chäka; kía súalhuame ëe. Tua súalhuame jíabsa; kía súalhuame mukira, jachin Diosta nooki títou jiahuä bénasi aman Santiágota jïojteripo capítulo 2po, versículo 20po éntok 22po (Santiago 2:20, 22):

"Të jáchisë jünépeiya, empo oóhuim kaa suákame, huä súalhuame kaa tekipánoam jípureme kaitátukähui? (...) Lútüriapo jachin jü takahua kaa espírituta jípureme mukilä bénasi ket jü súalhuame kaa tekipánoam jípureme mukilatukähui"—titou jiahua.

Ímëi nookim itom bíttuabaareka tua súalhuame kaa kía súalhuame nánanchatukähui.

Ente Lukajta jïojteripo bínnake aman capítulo 6po versículo 46po. Atä suuhua guä Jesusta aman nokäuta (Lucas 6:46):

"Jatchíakasem «Senyor, Senyor» ti ínou jiahua in nésau kaa jóaka junne?"

Jítasu tua súalhuame ájäriäbuan?

Abraham ejemplo ara itom majtíahua. Átä bítnake aman Hebréom jïojteripo capítulo 11po versículom 17 naáteka 19 tajti (Hebreos 11:17-19):

"Súalhuamei Abrahamta jíobtuaguakai Isaakta ä usihua mikäbénasi, áapo allérisi juka promésata mabétlame ä kësam huépülaik üsi mikpéak, éläpo júnel au jíahualai: «Jü em descendencia Isaaktä paman yebíjnake". Të éaka Dios kókkolam násuk bétana junne ara ä tóboktiaïhui aman bétana ä mabétak»"

Abraham öou súalhuamtukai. Të ä súalhuame kaa kía beja; nahuátukai. Áapo jünéak Diosta kaibu aranókïchïhui, jünéak Diosta úttiata jípurekame, ä nokihua chúpanakëhui.

Abraham jukä tua Diosta täyaka, éntok jü täyahuame ket itom súalemta úttiatua.

Jíttasu ítou yáaïatiahuä buan?

—Diósta täyä béchïbo ä esturiároa jukä Bíbliata.
—Huaka em majtíäutë jojohua.
—Jumë emo bénasi súalememehuë nau rúrukte.
—Huakä em emou majtíäuta huate jéntemmeu ettéjoa.

Jü tua Diosta súalhuame itom jínëunake jumë jiókot yebíjnakeyo, buëituk Bíbliapo jínel jiahua (aman Juampo 2po:17po [capítulo houjpo versículo huojmamni ama houybúsampo [2:17]):

"Jü ania naa huehueiye èntok ä ukúlhuame; të juka Diosta nésauta joríame jíbäpo béchïbo tatahua".