Jachíasu makhua ju Huoy Mamnikun Hueeme Nésauta kaábeta ara täbui kumplíroatuäteko?

1. Ju Huiy Mamnikun Hueeme nésauri júnel jiahua:

«Katë em prójimo jubékamta ukul matchi. Katë egoístasi úttesi em prójimo jóuhuata üukule, kee jee ä huajta, ä esklavota öouta, ä esklavo jámuta, ä torota, ä buruta éntok jita júneta em prójimo átteakamta»—tiahua. —Deuteronomio 5:21

2. Íkäri nésauri Jehová jibba ä nésaurek, kaábeta ara ä kumplíroatuakä béchïbo. Éntok Jehová jibba ara täya jábesu ä violároähui. Íkä nésauta bétana nokaka senu suhuákame líbrom jïojtekame Inglaterra buíaraapo jométaka Siglo Huoy Mamni aman Bátanmpo jíabsekame jínel jiahuak:

«Sïmem ániata léyimë jaríaka kaa täbui íkäri nésauta bénasi téunake. Sïme ániapo öreme kódigompë jume huaate Huoy Mamni Nésaurim téunake, jukä huoy náikikun hueemta, jukä bátanikun, jukä huoy búsanikun hueemta nésauta téunake éläpo krímenim kastigároahuame jibba. Të jita Huoy Mamníkun Hueeme Nésauta ama bénasi kaa téuhuamachi. Íkä nésauri jume huaate batan nésaurim komplemento ájäria». —tiahua ïi líbrom jïojtekame.

2. Dios itom éeriame ara leleéroa. Aman ä Nokipo ïi juebénasi bíttuahua. Diosta juka profeta Samuélta bíttuak senu bemela reyta yeu púakä béchïbo íkäri púntota rekalkároak júnel jíaka:

«Katë ä (Eliabta) apariénciata bitcha, in omóutelatakä béchïbo. Buëituk Jehová kaa jachin yorémem bitchä bénasi bitcha, yorémem kia huakä pusita bíchäpo bíchaka. Të Jehovásu áapo huakä jíabsipo anemta bitcha»—tau jiáhuak. —1 Samuel 16:7

3. Jehová juchi bemélasi yorem jíabsita bétana noókak proféeta Jeremíasta teempo yorem jíabsita bétana nokaka júnel jíaka:

«Jü jíabsi chë traicionero jita júneta beppa éntok desesperado. Jábesa ara täya? Ínapone, Jehová, jíabsita eskukudrinyároa, éntok jume síkipuriam exaxaminároa jabe júneta ä böjoria paman béjtuanakë béchïbo, ä au nükamta pámani»—tau jiáhuak.
—Jeremías 17:9. 10.

4. Jachin huaate Huoy Mamni Nésaurim kásota bénasi jü Biblia itom nok téjoaka ejémplom makka. Satanás Diablo téame ä ukúlek jukä adoraciónta Diosta jibba mikamta matchi. Juäri béchïbo Jesústau sïme jume im ániapo ayúkame réynom mikría rokkak Jesústa huépülsi jibba ä adoráaroakako:

«Huanäi jü Diablo káhuit chë jikat ä nuksiika. Huanäi chúbalaposu imï ániapo ayúkamta, puéblom tüisi ujyóorim éntok buérem, ä bíttuak. Huanäi júnel au jiáhuak jü Diablo: "Enchine ä máknake sïme yäurata, enchi ä sáunakë béchïbo. Ujyóoriata éntok sïme bejhua ama at ayúkamta, akë ä sáunake, éntokë ä áttianake. Buëituk sïme jüri in mampo yéchari, jábeta in ä bárëune ä máknake. Të állë huépülsi tónommea kíkteka nee yörinake sïmeta íkäirë áttianake»—tiahua jü Satanás. —Lukas 4:5—8

5. Jukä adoraciónta Jehováta jibba mikamta matchi ukúlekä béchïbo Satanás Diosta tiémpota destruíroana.

6. Jítasute yáa matchi itom kaa juënasi jita ukúlekä béchïbo? Itom jíabsitate suaya matchi! Provérbiom 4:23 jiau bénasi:

«Chë em jíabsitate suaya sïme suáyamta matchi beppa, buëituk aa bétana yeu kaate jume jíabsihuamta mikame bäam»—tiahua.
—Provérbiom 4:23.

7. Kaabeta in áttiakamtane ukul ïa, kaa júnëli? Juäri béchïbo ítapo kaita ukul matchi. Jesús ä expresároak júnel jíaka:

«Jita enchímmeu yáariaïähui, júkarem ámeu yáuhua, jumë huatémmehui»
—Lukas 6:31.

8. Tua lútüriapo Jehová jibba ara senu nésauta makka íkä nésautä bénasi. Ju Huoy Mamníkun Hueeme Nésauta itom majtía Diosta ito bétana kaa yeutana tühuata jibba ahuákähui, të huáijhua santidata ketchi. Itom bittua huamë juëna éerim Diosta béjreka krímenim ámëria, kaa jumë juëna yáarim jibba. Áapo jibba ara bitcha huä itom jíabsipo ayúkamta. Áapo itom yáala; juäri béchïbo jüneiya jita ito béchïbo chë türi!