Jitasu kaa kaita béjreme tékilim aane?

1. Énriapo ju gente mai obísi aane... tómita kobeka, huikiríahuame béjtuaka, tekipánoaka, bem uúsim búkeka, automóvilim éntok huaate posesiónim suáyaka. Të kaa büru ame násuk óbram béchïbo tekipánoa huame tua türitukähui o alléetuakähui. Ju Biblia "kókolame tékilim"-ti téhuatua imëi kaa tua tü tékilim.

2. Jume tua Krístota sau kateme jüneiya juka bëri tiémpota ilíkitukähui. Juäri béchïbote kaa vano tékilimpo ä täru matchi.

Jita vano tékilimsute naj matchi? Éntokte jita tü tékilimsute joo matchi?

3. Proyéktom büru tómita kobë béchïbo, o educación superiorta jipu béchïbo, yuun tiémpota éntok útearam kónsusumiroa, të katim espiritual tühuata jojohua, nim yanti anhuamta huä bínhuatukähui. Ímëi kaa tua tékilim bétanate ito suaya matchi, buëituk ïi mundo chëhuasu jujuënatu.

4. Juäri béchïbo jume Jehová pueblo ímëi nookim tüisi nákate matchi:

« Öra personalitatem yéchaka mekka jimma, huä öra bóojooriai au konformároa, huä bäitähuariame deséommea, au násosontuame, të émohuem bemélate útiarammea emchim éehuamem yuyüame, éntokem emo sákote matchi juka bemela personalitata, huä Diosta voluntá paman yáalamta tua justíciapo éntok tua lealtapo ». —Efésiommehui 4:22-24.

5. 1 Koríntiommeupo 15:28po júmnëli jiahua:

« Juäri béchïbo, in nákhuari sailam, constántem émou yauhua, tüisi jäbuaritaka, Señorta tékilpo büru joo jípureka, jünéaka emchim tekipánoariata kaa kaita béjremtukähui huä Señorta áteakampo ». —1 Koríntiommehui 15:28.

6. Ju bat huéeme réynota predikároahuame äjaria. Jume anciánom éntok aníariame tekipánoaleerom büru joo jípure juka rebántilde;ota aníabareka. Átchim éntok áiyeriam bem uúsim suaya matchi, éntokim bem Dióstamak relacionta am yöturia anía matchi.

7. Büru Señorta tékilpo jípuhuäpo tepa bette, të juebenna benefíciom äbo hueria. Katë obisi aane vano tékilimpo, huame jiókot éetuahuame, të tékilimpo Diosta yáarialame. Júnëli em tékilim em súalhuamta jünakichianake, éntokë Diosta aprobacionta jípunake, éntok chúkula beja juka yuun jíabsihuamta ketchi!