Jáchisute yómnianake jume ito bétana proféeta aranókïchimtíame?

1. En táapo juebena falso proféetam aane éntok juebena aranókïchi prediksiónim yauhua. Büru gente jume Jehovata Nokríame éntok bem súalhuamen kaa täyame ámeu proféetam aranókïchitíä bétana. Huaáte emo bétana tü sincero gente. Jítasute ara ámeu yomnia?

2. Jü apóstol Peéro itom sauhue júnel jíaka:

«Jukem Krístota santifíkakaroa Señor ténasi jum em jíabsimpo, sïme tiémpopo tütelataka jínëuhuamta yaa béchïbo sïmemmeu huä beu aneme ettejoahuamta huáatiaka enchím esperánzata bétana, të suamsi jíabsibeyi éntok yuun yörihuamey nokaka».
—Peéro bat huéeme 3:15

3. Jume Jehovata Nokríame juka Jesusta aa sau huéeme venidata bit ïaaka fécham miíkak kaa yumákatukähui. Juäri béchïbo huaátem ámeu kaa lútulay proféetamtíä bétana. Të jume Jehovata Nokríame jakhuey junne kaa juka libertata nüka prediksiónim Jehovata téhuampo yaa bétana. Bempo jathuey junne kaa "Ímë Jehovata Nookim"ti jíaula. Aman 1883 (senu mil ama huojnaiki ciéntom ama naiki taká ama baispo) jü La Atalaya jiáhuak: "Ítapo kaa profecíata mikki jípure"tiahua. Íkäi jiaubáare jume Jehovayta Nokriame kaa emo inspirádom proféetätiya.

4. Të jáchisu táyahua jume proféetam türimtuko o aranókïchimtuko? Atä leéroa huakä Jesusta nokäuta:

«Tüsëm emo suaya aranókïchi proféetam bétana enchímmeu äbo kabáram sánkompo yayájame të huáijhuapo róbom tebai kókolatukähui. Bempörim taákam béchïbem am jünérianake ».
—Matíu 15:16

5. Jita taákamsu takánake jü tua proféeta? Juka tua adoracionta promovéroa matchi, Deuteronomio jiáu bénasi:

Jehová enchím Dióstem sau kat matchi, éntokem ä mauj matchi, éntokem ä nésaurim joo matchi, éntokem ápörikem nok jíkaij matchi, éntokem ä tekipánoaria matchi, éntokem au chätu matchi».—Deuteronomio 13:4 [huojmamni ama baijpo, vers. náikipo]

Jabbe juka tua adoracionta promovéroasásaka?

7. Atä bítbaare huepü ejemplo jibba. Huásuktiriam paman jü kristiandá kléero úhua péak juka navidáta pájko jünéaka ika kaa kristiánotukähui, të ä puéblohua ä pájkoka tatahua. Huanäi, aman senu taká ama huoyimpo noviembre metpo mil ama batan ciéntom ama naiki taká ama huoymamni ama baijpo [22/11/93] ju Sumo Pontíficetéame sïme ániau TV paman anunciáaroak juka Navidata pagánotukähui. Të jume kristiánomtéame ä pájkoka tatahua.

8. Jume Jehovata Nokríamsu? Aman huojmamni ama huoyimpo diciembre metpo huásuktiriapo senu mil ama batan ciéntom ama senu taká ama huoynáikipo [12/12/28] ju La Atalaya bíttuk juka Navidata pagánotukähui. Jü Diosta pueblo, nonolíkisi, kaa tiémpota kobeka, juka Navidata pájko jímmak.

9. Huanäisu, jache proféeta aranókïchim jume Jehovata Nokríame? Bempörim taákam noknake!