Jíbäpo béchïbo alléaka im buíapo jíabsa!

Ímë täyatuame jïojteri publikároahua enchi jünéenakë béchïbo jábesu juka buíata yáakäu éntok sïmeta at áikamta, éntok em täyanakë béchïbo juka Diosta, juka buíata ayúkamta, téhuam jípurëhui. Ímite ket enchi ettéjoanake jachíakasu jü Dios juka yorémem yáakähui, éntoc jáchisu ém ára jíbäpo béchïbo jíabsahuamta alléaka ím buíapo jípurëhui.

Átä boobícha ímë yuun ilustrasiónim enchi aníanakëu huamë huéeme tüisi bítnakë béchïbo. Enchi chë tühuata bítnakë béchïbë jumë ilustrasionim naapo aneme tékstom leéroanake. Júnëli émposë ara leéroa huatë tühuame Bíbliapo aneme Diosta yáabaretíähui éntok huaka Dios enchi joäïatíähui.

Jantúk ïi jïojtetë usároapeya huaate yorémem aníakë béchïbo. Üsim em jípurei ara ä usároa Diosta bétana am majtíanakë béchïbo. Em paíspo jóuhuai jum büru yorémem kara leéroapo anëpo jumë ilustrasiónimë usároanake jumë Diosta éehuame jünétuä béchïbo. Júnëli bempörim bem beut jóakame ket ara aníänake.

Tua lútüriapote ä huáatia ïri jünéehuame jukä böóta enchim étaporiánakëu enchim büru bendisiónim mabétnakë béchïbo entok em huate ara bíttuanakë béchïbo jáchin ím buíapo jíbäpo béchïbo aram jíabsanakëhui.