Jábesu enchi yáuhuak?

Jü Dios téhuekam buíatamak yáhuak.—Génesis 1:1

Jü Dios téhuam jípure. Ä téhuam Jehová. —Salmo 83:18

Jehová áman téhuecapo jóugua. Áapo ejpíritu. Ítapo kara bitcha. —Isaías 66; Juan 1:18; 4:24

Jehová Dios büru jïojtoiléerom [ánjelesim] jum téhuekapo yáak. Bémpo ket ejpíritu. Sïmem türitukai. Batnáataka kolopti öhuim bénasim emou yáhuak jume yorémem ara am bíchakä béchïbo. —Hebreos 1:7

Jehová jumë animáalim bínhua tiémpo bat yáuhuak yorémem beppa.—Génesis 1:25

Jehová ket öuta yáuhuak, Adámtéamta; chúkula beja ä jubíahuata Ébatéamta yáuhuak. —Génesis 1.27

Dios aman tutüli jardimpo, paraísö téampo, am jóiyak. Senu huepü juubi ä jooría jukä Adamta. Jü öou ä huépülaik jubíatamak tahuäeiyei. —Génesis 2:8, 21, 22, 24

Jume yorémem álmamtuka.—Génesis 2:7

Jume animáalim ket álmamtuka.—Génesis 1:24

Jatchíakasu kókko jumë yorémem?

Jehová jumë yorémem sïme juka Buíata ujyólisi yaaïäi... sénu alléehuamta Paraíso sïmem béchïbo. —Génesis 1:28

Yóremria ara jíbäpo béchïbo jíabsäeiyei Adámta éntok Ébata kásota jooríame tahuayo. Bempörim taktíriahuak türi éntok kaa türi jünéehuamta juya bétana buákähui.—Génesis 2:15-17

Sénu jïojtoijléero áu juënatuaka bakóta nüka Adámta entoc Ébata Diósta nésauta kaa kásota jooríakä béchïbo —Génesis 3:1-6

Túa bákot, Diáblo éntok Satanás ti tehuak ïi jïojtoijleero Ébata bäitátakame. —Revelación 12:9

Jehová am yeu béebak jumë kaa nésauta jooríame Adámta entok Ebata.
—Génesis 3:33, 24

Adám éntok Éba üsim jípurek të kaa alléaka taáhuak bempörim éntok sïme jü bem famíliahua.—Génesis 3:17, 18

Úttiapom ölatunake éntok kókonake Jehovátíakä bénasi.—Génesis 3:19; Romáanom 5:12

Kíalïkum kókkok animáalim kokö bénasi.

Sïme ím buíapo jóuhuame álmam kokko.Eclesiastés 3:18-20; Ezequiel 18:4

Jítatukasu jü Kókohuame?

Yorémta mukúi tóröchíau nótte. Beja kaita jüneiya.— Salmo 146:4

Jume kókolam kara émomak noóka, éntok karam jita junne yáuhua.
—Eclesiastés 9:5, 10

Të juebéna jïojtoijléerom emo jujuëna yáahuak. En émou kókolataka yorémemtukätiya. Itómim kaa kóköu súalïä.— Génesis 6:1, 2; Juras 6

Juäri béchïbo Jehová Diós kaa itom am súalïä ïmëi juëna jïjtoijleerom lemóoniomtéame. —Éxodo 22:18; Deuteronomio 18:10, 11; 32:17

Kaa itóm yore sisíbohuamta, móriähuamta éntok jóusimmak tekipánoahuamta [fetichismotéamta] praktikaároaïä. —Gálatas 5:19-21