Jehová yore Jíneünakemta itom miika

Jü bat huéeme ejpírituta Diosta yáakäu aa béchïbo kësam Üsitaka.

Jü Dios tepa tüisi ä nakke, éntok juka kaa tü jénteta ä tábetuanake të jumë ä nésauta jooríame jíneütuanake.—Juan 3:16, 36

Jehová em Usíta kom bíttuak ä yeu tómtinakë béchïbo ím buíapo. Áapo Jesústéaka. Ä áyehua María ti téhuak. —Lucas 1.30-35

Jesústa yötütek yuun tü huéeme yore majtíak. Jehováta huépülaik tua Dióstukäu majtíak. —Marcos 12.29, 30

Jesús jiahua itom Jehováta jíbba mújtëhui. —Matíu 4:10;Juan:4:23, 24

Áapo ket juka jénteta Jehováta Yäura bétana majtíak. —Lukas:17:20. 21

Jesús kökoreme tütek éntok yuun tühuata yáahuak. Kaibu kaa tüisi aáyuk.
—Apóstolim Yáari 10:36; 1 Péero 2:21, 22

Të, jáchisu itom kaa tühuata bétana éntok kókohuamta bétana jínëüeiyei jü Jesús?

Jumë tü yorémem jínëu béchïbo Jesús sakrifísiota úttiapo Dióstau miknake. Batnáateka jü Dios ä puéblota animáalim sakrifikároa sáuhuek bem kaa tüsi ayúrim béchïbo.
—Hebréom 7:25, 27.

Jesús kaa animáalim sakrifikároak. Áapo jibba ito béchïbo áu sacrifikároak.
—Matíu 20.28; Hebréom 10:12.

Jáchë jüneiya jachíakasu?

Jáchisute itom kaa tühuata bétana éntok kókohuamta bétana jínëuhua

Jáchë au huáate Adámta, juka bat huéeme öouta, kaa tüisi ayúkähui? Jíabsihuamta éntok paraísota täruk; kíalïkute sïme kókko ketchi, buëituk sïimetakate ä üsimtukähui.
—Romáanom 5:12; 3:23

Árate júchi ä jípurëyei ika tü yumálataka jíabsihuamta tábui yumálataka öouta ito béchïbo ä jíabsi mikáyo éntok kókohuamta bétana itom jínnuyo.
—1 Corintios 15:45; Romáanom 5:19, 21

Jesús Diósta Üsitukai. Áapo tüisi chúpilame öoutukai. Káibu kaa tüsi aáyuk.
—Hebréom 5:9; 7:26

Mëtóijhuak kaa Diosta nánakeme yorémem mampo. —Apóstolim Yáari 2:23

Íkäri ito béchïbo sakrifikároahuamtuka. —1 Timotíu 2:6

Jesús kau huójöriapo, teta bóoberapo, mäahuak. Báij taáhuarimpo mukílatukai. Huanäi Dios juchä jíabitetuak. —Apóstolim Yáarim 2:24

Júchi téhuekau nóttek. Én ara aníata Diósta bétana áahua Diósta nésauta jooríame béchïbo.— Hebréom 9:24; 1 Juan 2:1, 2