Dios Sénu Juëna Ániata Tábbek

Adámta üsim büruriak. Bémpo tepa juëna emou yáhuak kétchi. Jü Dios am tábberokkak. —Génesis 6:1, 5, 7

Të huépü tü öou, Noétéaka, ama aánei. —Génesis 6:8, 9

Jehová Dios senu buéuru bárkota ä yaasáuhuek aa entok ä famíiliahuata ame jínëunakë béchïbo jumë juëna jéntem tátabnäteko. Ïi bárko bueüru kájata bénnak. "Árka"—téaka. —Génesis 6:13, 14

Noé entok ä famíiliahua büru animáalim jum árkapo kiímuk.—Génesis 6:19-21

Jehová tepa buëuru yúkuta huéttuak. Sïme jumë juëna jénte kókkok. Jáchë ä jüneiya jatchíakase? —Génesis 6.17, 7:11, 12, 21; 1 Pedro 3:10-12

Jáchu júchi tábnake jü Dios juka juëna jénteta?

Én táapo kétchi jü jénte mai juënatuka. Jíta kaa tüisi huéememsu ím jojohua?

Huaáte am súhua huaáte yorémem. Juü Dios ika kaa joomáchitiya.  —Éxodo 20:13; 1 Juan 3:11, 12

Huaáte ékbua. Dios jabe júneta kaa ékbuaïatiya.—Éxodo 20:15; Efésiom 4:18

Huaáte büru jaámuchimmak jujúbe. Huaáte éntok huoyímmak o bájimmak aman kaa beut kárimpo jouhua. Huaáte oóhuim éntok jaámuchim kaa júblataka nau lópola jóuhua. Íka sïme juka Bíbliata jíakamta béjreka hueiye.—Mattíu 19:4-6

Jáchë au huáate Diosta Adámeu senu huepü jubí mikríak? —Génesis 2.22, 24

Huaáte ídolom sántomtéame mumujte. Dios jabe júneta kaa ídolom éntok kaa imájenim yöretiya. —Éxodo 20:4, 5; Isaías 44.9-17; 1 Juan 5:21.

Jehová am tátabnake jumë juëna yorémem kaa jíabsi kúaktiapéame.—Salmo 37:9, 10; Lucas 13:5; 1 Koríntiom 6.9, 10